83 Die tyburn
83 Die tyburn
Die tyburn is ‘n gedig wat uit ses versreëls bestaan met 2,2,2,2,9,9 lettergrepe in versreëls een tot ses. Die eerste vier versreëls rym met mekaar en is beskrywende woorde van twee lettergrepe elk. Die vyfde en sesde versreëls rym ook met mekaar. Van die woorde van die eerste twee versreëls word in die vyfde versreël opgevat en die woorde van die derde en vierde versreëls word in die sesde versreël opgeneem.
Hier is my Afrikaanse en Engelse pogings tot die tyburn gedig:
Die pittige buurvrou (tyburn)
Pragtig
geestig
driftig
ernstig
sien ek haar, pragtig, geestig lag sy;
‘n rissie wat driftig, ernstig is.
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...