Tyding

minute, ure tik verby
my oë kyk na bo
terwyl tyd deur die uurglas gly
in ‘n wit hospitaalgang
waar hoop en wanhoop wipplank ry
om my is soveel lyding
ek moet bly glo
bly wag op goeie tyding
in my hart weerklink ‘n lied
God se boodskap
in my wese gegiet
ek weet ek moet die Here bly loof
al sou die vyebome nie bot
die wingerde verdroog
die olyfoes misluk
al word ek van kleinvee en skaap geroof
nogtans…
sal ek die Here loof