Vir Elma. (SILWER)

Vir Elma

in die diepe skadu’s van ons gene, versteek
die sluimerende monster van abnormale seldeling
groei van kwaadaardige gewas of tumor veroorsaak
K A N K E R !
aaklige monster bedreig oud en jonk,
alle rasse, mans en vrouens, ryk of arm

my geliefde vriendin, stralende vrou van God
… ook JY het die monster nie vrygespring:
kankermonster het sy kloue in jou ingeslaan
jy – steeds moedig gebly en die stryd gestry
in die diepe skadu’s van ons gene, versteek
het jy soos vuurtoring bly staan in die storm

met elke nuwe sonsopkoms, het jy geglimlag:
nog ʼn dag aan jou geskenk om jou lig te skyn
dapper het jou diamant bly skitter, al was
die stryd om oorlewing dikwels so vol smart
in die aansig van verterende pyn, het jy fier,
regop bly staan – die erfenis van jou lewe

stralend, sprankelend, nou vry van smarte
so sal ons jou gedenk en vier: vreesloos
jou gesig opgehelder met die mooiste lag,
ʼn engel het huis toe gegaan – stralende ster
hierdie ode dra ek nou op aan jou – naby en ver
jou gees leef voort in ons harte en gedagtes …

©MarleneErasmus
20/07/2023

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag