Vooruitskouing

Vooruitskouing

Brons deur Hennie du Toit

Die oue is verby, die nuwe het gekom,

maar is ek daarvoor gereed?

Want nuut bring ook onsekerheid

omdat ek die pad nie weet.

Die ou jaar was vol pyn en seer

met my waaroms teen die muur geskryf,

soveel dinge wat ek nie kon beheer.

Saam met die pyn van wat was

is daar die hoop op wat kan wees,

die vervulling van my droom,

‘n bestaan wat wonde kan genees.

As ek maar net vorentoe kyk

en my oë na die berge keer

en dit wat agter is agter laat,

sal ek ook kan vreugde vind in seer.

Daar is hoop, daar is gewis

en dit maak die toekoms

die moeite werd beslis.

As ek alleen die nuwe jaar instap

met al my vrae en worsteling

sal dit my net hierdie jaar

by groter vertwyfeling bring.

Ek plaas eerder soos ‘n kind

my swak hand in sy hand van mag,

want alleenlik dan kan ek

in alles betekenis verwag.

Vandag is net geleen

en môre is nie beloof.

Nou leef ek daarom elke dag

met my oog op môre gerig,

want wie weet

dalk is môre die dag

wat hy ook my lig uitdoof.

©️Henn

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag