Winterfront (Goud)

jy kom roep my nie meer
om saam jou te aanskou
as die weerlig dramaties
tussen die randjies bokspring nie

ek gaan soek jou nie meer
om langs my te kom staan
wanneer die sekelmaan versluierd
agter die wolke uitklim nie

ons hou nie meer hande vas
as ons saans gaan slaap nie
en voel nooit meer die galopklop
van ons harte teen mekaar nie

jy omarm my nie meer
deur stille winternagte nie
en nooit as te nimmer
hoor ons mekaar meer lag nie

want, mettertyd het ons kilheid
in ‘n skrilkoud winterfront ontaard

©Loretta Szikra

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag