WOORDE KRY VLERKE
my mond is toe, my ore oop
ek is die vlieg teen jou muur
neem waar, neem op, verwerk
jy huil, spoeg en praat
soos die vlieg in jou sop
onderbreek ek jou selfbejammering
dring ek my in jou kop in
gee ek raad, troos ek, vra ek
of ek jou storie kan gebruik
gee ek jou woorde vlerke
©HMellet
HelenaMellet
Ek is maar net 'n kaalvoetkind van Namakwaland, verslaaf aan die reuk van ink op papier en honger vir woorde wat siele versadig, of dit nou uit my pen kom of joune.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die April ope afdeling projek