skelbont

oral teen die see
op golwende wit strande
staan vakansie kleure uit
hier is daar min sambrele
wat wind kan wegwaai

oral op die strand
swem kinders en speel
met laagwater in gety poele
hier is daar min brander-ry
baai is te kalm daarvoor

oral in winkels
koop mense snuisterye
om te gaan herinner aan see
skulpe en seegras in kleure
wat later verbleik daar lê

oral verskyn skelbont
handdoeke en swemklere
wat vakansiegangers lok
na goeie tye op strand
wat spoedig verdwyn

oral klink nuwe-jaar
glase, bekers en klappers
tot klok twaalf slaan op strand
uitbundige vrolikheid
tot nuwe-jaar sonop

©Teárlach