nog

 

 

hoe ouer mens word

hoe meer raak jy bewus

bewus van jou omgewing

mense en diere staan uit

plekke wat jy besoek

 

om oud te wees

is ‘n besondere voorreg

eers smag jy as kind om groot te word

dan klae jy as mens dat die tyd verby vlieg

dan besef jy die tyd raak min

 

uitnemend is dié wat tagtig bereik

meeste van die bome om my het reeds geval

van vroeg af het ek hulle sien val en verdwyn

eers blare afgegooi en dan takke tot stam

met ’n stille slag neergestort het

 

elke nuwe dag is een met ’n boodskap

jy lewe – jy is nog hier – jy asem nog in en uit

die son het weer opgekom en jy voel dankbaar

al skuil die sonstrale agter digte miswolke

die dag het gebreek op jou nuwe dag

 

waar daar lewe is, bly daar hoop

nie omdat jy nooit gaan sterf nie

hoop op die ewige lewe

wat slegs uit genade

vir jou wag

 

© Tearlach.