My Sonneblom

wanneer die onweerswolke
donker en grys
oor my horison inrol
kan ek altyd my kop
na my ma draai
om weer krag te kry
tussen haar blare vind ek rus
want haar gebede
rig sy tot God
sy water dit met haar liefde
en met haar hart van goud
helder sy my wêreld op

die lewe deel vir my
die mooiste sonneblom uit
my ma, ‘n dapper en sterk vrou
niemand so eg soos sy

©Jessica Venter
08/08/2019