mag God ons hoor

mag God my hoor

troossag koud
eensaam warm
my kreet val op dowe *oor
mag God my hoor

hulle swart die wêreld
hulle kou klanke koorsig
dans saam met hulle eie ek
gee vir ander nie ‘n plek

g’n vir niemand niks
woorde helder dof
trap bo-oor mekaar
die holgille maak my klaar

in hul gekheid
voel ek benoud
ek wens hulle kan stop
verstik ek alleen in my kop

my hulp is koud
my trane is warm
my pleit val op dowe *oor
mag God my hoor

Kopiereg: Roeline van Schalkwyk