jou laaste omdraai (Silwer)
indien jy jou op ‘n dag
weer na my gaan wend
sal my deur oop staan
maar die dansende skadu’s
teen my kamerruit
sal jou gewone vrymoedigheid
om ná ‘n ligte kloppie
in te stap
die kat te streel
en jou in my wagtende arms
te nestel
verbeurd verklaar
en ek sal jou verlore voetstappe
hoor én onthou
lank ná jou laaste omdraai
van my oop deur
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2022 – OOP projek