Universiteit Eetsaal

tande sny brood
maal oppervlakkige smeer
in sluk, verteerbare stukkies
wat afsak as tydelike energie
vir onmiddelike gebruik

oë flits oor skerms
pik foto’s gier gebaseer
kortekse* neem uitfokus fotos
warboel data geskomel tot
control-alt-delete**

oupapier geel tande
herkou gister inligtingsbronne
huidige giere versonke in ewigheid
data vermolm tot wysheid
vir ewige gebruik

plooi belope oë
swem in diep sweet poele
heel brein geïntegreerd
holistiese wysheid
suiwer gefokus

jong honger mense
op elektronika metamfetamiene*
ouer voller oompies
is versadige saadbeddens
een floreer op Eskom krag
die ander diep gegrond