Spore van onthou GOUD

Spore van onthou

ek dwaal deur die onthouboek van my lewe
soms spreek die nostalgie daarvan
in sagte lyntjies teen my wang
of skeur die sluise van seer
‘n rou snik uit my bors

hier… klein voetjies, moerbei toontjies,
sproetjies oor die neus
sjokolade om die mond
haasbek vreugde en ogies rond

daar… uitbundig, vry
langbeen tiener met drome
swart satyn en silwer blom
haar hart vertrap –
was sy ooit lief vir hom?

Gister se vergeet in ‘n goue raam,
tussen blaaie van ‘n flenterboek
fluister ou geheime
in die ritsel van papier –
in die skadu’s van sketse
teen my hart se muur

Kopiereg Amanda de Meillon

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag