klaar

 

 

ou groot leeu

lê en hyg na sy asem

langs hom lê die buffelbul

wat hy met groot moeite en geveg

na ure se gespook plat getrek het

hy is eenvoudig te moeg

om sy bek oop te maak

en te begin vreet

so voel ek soms

hier na die ouderdom

se hewigste gevegte verloop het

en ek moeg agteroor sak van uitputting

draal my gedagtes altoos terug

na die leeu en die buffel

natuurlike verloop

in die kosketting

welverdiende

rus na harde

hewige

stryd

so

sal dit wees

tot alles is

volbring

 

© Tearlach.