Kersfees

Kerkklokke sing iewers
in die verte onder ‘n
duisend sterre.

Girts-girts skeer ‘n
jongbloedsmens
geskenkies oop.

Met dankbare harte
gooi ‘n koortjie
note vir gretige ore.

Die tafel dra swaar
aan spys en drank
genoeg vir eenduisend.

Die winkelsentrums
is verpletter deur
ywerige voete.

Vanjaar se kersvader
se stem is hees gelag
aan Ho-Ho.

Liggies flikker flikker
en kikker buitekomers
se vakansie.

Son, see en sand
sneeu, ys en sneeuvlokkies
is getuienes van stories.

Beursies is honger
tog sing almal kersfees…
Jesus is nêrens te sprake.