soos

 

 

soos dief in die nag

uil wat skeer oor die duine

volg doelgerig skadus van ‘n rot

wat vreesagtig piep in vlug

 

deur gedagtegange

sluip herinneringe luid

in nagmerrie drome vervat

koets breinselle vervaard

 

oorheersende tamboergeluid

wat ritmies vreesaanjaend juig

bring oer-reaksies in spier en vlam

voel vingers en bene verlam

 

soos alles van vandag

loop stories vars en bloots

oor elke dag se bekommernis

maak siele broos in vrees

 

gee, gee en gee

al meer van jou lewensweë

om jou siel en gees leeg te tap

sonder een vars asem teug

 

© Tearlach.