Jongste aktiwiteit:

Ons nederige dank (Brons)

Dankbaar vir mooi woorde op papier,
vir plakate teen die pale om strate te versier
Dankbaar vir beloftes van water, krag en werk,
vir nuwe teerpaaie tot reg voor die plaaslike kerk

Dankbaar vir glimlagte, drukkies en kos,
vir T-hemde as groot busse ons aflaai en los
Dankbaar dat jul vyfjaarliks ons name onthou,
en met opregte trane vir ons rookdrome bou

Dankbaar vir een enkele droë witbrood,
wat ‘n hele gesin moet red uit hul nood
Dankbaar vir kameras wat alles vasvang,
maar ons steeds honger na ‘n toekoms verlang

Dankbaar wanneer die stembusse sluit,
vir koue waarheid wat steeds vertroue uitbuit
Dankbaar dat alles bly soos dit was
vooruitgang pas mos nie in ons leiers se kas.

—oooOooo—

© Ilana Oosthuizen, 2026




Maak 'n opvolg-bydrae

op
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed