Ambivalent (silwer)

soms is vryheid sommer mos maar net
‘n sewe-letter woord
‘n kinkel in die kabel
‘n reksprong sonder koord

eufories malse tuimeltrein
met niks om te verloor …
maar soms ‘n ou verlangliedjie
waarvan jy die woorde nie kan hoor

dan skryf jy jobspsalms
op ‘n vergeelde krapboekblaai
raam dit met uilspieëloomblikke
uit jou hart se bêrelaai

ja, soms is môre vasgeketting aan gister se onthou
en tint die gekgoudglans van vrywees jou hede bitterblou

*jobspsalms – klaagwoorde

*uilspieëloomblikke – bedrieglike oomblikke

*gekgoudglans – piriet, fool’s gold,

Blink, maar waardeloos

©️Elize Kruger
4 Februarie 2023

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag