Daar waar my Maandag-huisie staan

Daar waar my Maandag-huisie staan

 

Lande werk ken ek goed,

skape boer met ’n groot velhoed.

 

Soms, as die windpomp staan

en straatkopers

diepgeplante pale

vir hulself neem,

verlang ’n boer

na ’n Maandag-huis.

 

Iewers teen die see,

dalk sommer ver

waar die Grieke woon.

 

Klein houthuis

met ’n visstok in die hand.

’n Taal kan praat as jy moet

wat niemand kan verstaan.

 

Daar waar die lewe rus

en Maandag

soos ’n vakansie lyk.

 

Alles goed en wel,

maar sal daardie see

dieselfde swem

as ’n ou plaasdam

met ’n trekker-tjoep?

 

©️ Ryno du Plessis 2026