Die delikate geur van liefde

Die delikate geur van liefde

Sal jy my toelaat om jou aan te raak
en teen die kwesbaarheid in jou siel te stoei
om die delikate geur van liefde weer joune te maak?

mag die pad van herstel wees na jou smaak
en die doringkroon om jou hart uitroei
sal jy my toelaat om jou aan te raak?

ek verstaan die tasbaarheid van die saak
en baie brûe moet gebou word, baie trane vloei
om die delikate geur van liefde weer joune te maak

vir te lank broei die draak
vir te lank het trane gebloei
sal jy my toelaat om jou aan te raak?

Deur jou trots word dit my taak
om bande te breek; te skeur dit wat jou boei
om die delikate geur van liefde weer joune te maak

tyd het gekom om teen dit te staak
wat jou hart gevangene hou en gif laat broei
sal jy my toelaat om jou aan te raak
om die delikate geur van liefde weer joune te maak?
©PcV