Die heuwel by Pietersfontein

nog strelend skemer
‘n mengelmoes van
laventel ligblou lilagrys

ek stap op na die heuwel
klouter-kruip oor die koue klippe
takkies grits-grits onder my tekkies

die reënreuk ruik
salig soet
my longe vol van vars
onbesmette oggendlug

Kaapse Wewer sit soek-soek
kjeeu-kjeeu na sy maatjie

op die heuwel
is daar veelkleurige veldblomme
en ek sit-staar na die
sjampanje saffraan sonsopkoms

©Roeline

digformaat: alliterasie