Die stilte
hier hang ‘n duisend
vyfuur-in-die-oggend
sterre in die lug
die maan is aan die kwyn
die nag . . .
lê op sy rug
die stilte van die môre
vee soos dood hier oor my werf
en in hierdie oomblik weet ek . . .
swye’s die gereedskap
wat die liefde
moet laat sterf
C. Shaw
4 April 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
7 Kommentare
-
-
Viooltjie
Baie dankie, Borrels. Ek waardeer dit baie
-
-
Amaspoke
Soos alle ander dinge het stilswye sy voordele en sy nadele. Mooi skrywe
-
Viooltjie
Baie dankie, Camper. Ek waardeer ☺
-
-
neels
dit is vir my n gedig wat my sommer laat verlang
-
Anria
WOW !
-
Viooltjie
Baie dankie, Neels en Anria, vir die saamlees en kommentaar ☺
Maak 'n opvolg-bydrae
Jy moet aangemeld wees om 'n kommentaar te plaas.
borrels
Pragtig pragtig Carma ... 'n gunsteling!!