eietydse hel

 

 

op die vlak

langs hoë duine

verkluim wit huisies

in winterkoue en reën

ingedagte sit hy voor

knetterende kaggel

met effense hitte

ideale situasie

vir terugdink

ver onder

alkoof

van

herinneringe

sweef daar borrels

van hipertensie rond

dreigende opbou

van drukking

oor verdrukking

onregverdighede

uit duister verlede

eentonige herhaling

wat dreig om tsunami

van obsessiewe manie

onder heuwels van geheue

los te laat oor sy duine-lewe

moets en moenies soos prikkels

wat vandag wil oorheers

verbete stryd teen

gewete wat stry

met gesonde

verstand

oor duine

van sy strand

 

© Tearlach.