Grond
het jy jouself verloor
deur die wind, water
en wrywing
is dit wie jy roulik is
versteek met spogtige leuens
ken jy nog jou waarde
onthou jy wie jy is,
wie jy was
jy is nie
diamant, goud of platinum nie
jy is net grond,
net die kosbaarste
skepping wat bestaan
binne jou word skatte gevind
van onskatbare waarde
jy besit reeds dit
wat jy soek en na smag
eers wanneer jy jouself
vind en aanvaar,
eers wanneer jy roulik
jouself sal wees,
sal die lewe vir jou
ten volle kan begin
2 Kommentare
-
Vonnie
Carma, wat my hartsdiep geraak het, skuil in jou woorde: "Jy is net grond, met die kosbaarste skepping wat bestaan...eers wanneer jy roulik jouself sal wees, sal die lewe vir jou ten volle kan begin..." Wat 'n hartroerende woord..."roulik"! Baie betekenisvol neergepen.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die September 2021 – Positiwiteit projek