Welkom, Besoeker
Welkom, Besoeker
Taal waarskuwing*

Titel: Jimmy se kafee (Goud)

Deur Seirdna
Datum gepubliseer: 27 September 2021 Aantal woorde: 212 102 Kere gelees 2

by ‘n tafeltjie vir twee
by Jimmy se kafee
sit ek in solo
met my koffie
in die son

ek dink aan hierdie dag
aan gesprekke wat nog wag
die lewe en sy goed
die mens en sy gemoed
die hymerings en mymerings
en alles wat verbrand
tot rook en roet

ek dink aan wat gebeur
met die wêreld en sy weë
sy einde en die tyd
wat ons nog hier gaan verslyt
die glinstering en kentering
en alles wat nog kom
van suur tot soet

ek dink aan die sielespel
in die hemel se kapel
wie die opperskuif gaan maak
wat die laaste siel gaan raak
aan die roerings en die skuddings
en alles wat nog wag
in angs en bloed

ek sien my lewe weer
en hoe vinnig dit gebeur
hoe die tyd vir niemand stilstaan nie
of eens weet van jou verbygaan nie
en die lerings van my nerings
en alles oor my ek
vergaan vir goed

ek vat weer die leisels vas
en hervat die lewenspas
in die rigting wat bepaal
of ek my liefdesdoel behaal
en die dienings en die sienings
van alles hier tersaak
los ek vir goed

by my tafeltjie vir twee
by Jimmy se kafee
met ‘n laaste
slukkie koffie
in die son




TEMAS
1 Kommentaar
  1. Anze

    27 September 2021

    Pragtig, baie dankie vir jou bydrae tot die September 2021 – Positiwiteit projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 65
Kommentaar telling: 101

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 358 gaste aanlyn

Bydraes – Argief