Kakofonie Goud

krom streel jou vingers

oor die snare van my hart

smekend skreeu my wese uit

in desperate smart

uit die holte van my buik

roep my inner ek na jou

jou valse vingers vleg die note

kakofonies deurmekaar

die trilling resoneer –

skeur senutergend deur my lyf

‘n klinkende crescendo

wat skileik daal dan styg

dan, in die nootgeskarrel

van ‘n deurmekaar gedruis

vloei die soetste harmonie

uit die holte van my huis

jou vingers vind die note

en versuiwer in hemelsimfonie

#nootgeskarrel – deurmekaar note

Amanda de Meillon

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag