Kindertroos (silwer)

Meer as ‘n godsdienstige dissipline
of ‘n geestelikheidjie op my kerfstok
of ‘n strawwe skoot breingimnastiek
wat sê ek’s wel al voel ek siek

kom die refrein – moet julle nie kwel nie

nie net as ‘n opdrag uit die hoogte
terwyl ek spartel in my nood
nie net gelaai met groot gesag
deur een wat sê Hy het alle mag

maar ‘n gestroopte troosbelewenis

want die anker van die wyse raad
lê in die Vaderhart-motief
wat kinders
deur kommer gekasty
met omgeesalf van angs bevry

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag