Lewende sfeer

Haar grond glip tussen my vingers soos tyd,

woordeloos vertel elke sandkorrel haar storie,

onder my lê moeder terra firma se geheue

gebêre in mos kluite en botaniese wortels.

Ek ervaar haar eoniese, oneindige geeskrag,

’n sewe hertze hartklop frekwensie.

Ons betrap haar blou-groen beeld met ysterstewels,

los littekens van besoedeling en ontbossing;

ons dade word op haar vel weerspieël

maar sy gee steeds met oop hande soos ‘n moeder.

Ek beleef haar onsterflike, grenslose energie,

’n alfa polsslag van eksistensie.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag