Uit stof (Silwer)

die vergete reste van stof en gas
wat geduldig deur die tydloosheid dryf
baar kolkend ʼn nuutskepping uit wat was:
ʼn ster en proto-planetêre skyf

waar rotse tot stand kom en bots en smelt
weerloos teenoor die gewelf se geweld

op die skepping se slagveld staan een bol
triomfantlik in voetvastheid en vog
gereed om eensaam vol lewe te tol
en uiteindelik die mensdom te wrog

wat wroeg, wat opbou en afbreek en dig
teen die kosmos se skaal; onbenullig

© Cobus Kruger, 2025

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag