sfeer van seën – (Silwer)

sfeer van seën – (Silwer)

een gemene faktor deel elk’ mens:

dieselfde planeet vir bestaansdeug

van eerste veerligte asemteug

tot laaste loodsware vaarwel-wens

hoe vrygewig is jou atmosfeer

in fyn balans gesinchroniseer

uit jou skoot voed jy menige gul

elk’ plant wat in water of grond groei

elk’ wese op land en see geskoei

word deur jou vrywilliglik gevul

hoe belonend is jou biosfeer

waar terra en hemel mee trakteer

© Retha van Deventer, 30 April 2025.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag