Terra (Goud)

Haar lyf is skurf van stof en roet
tog hang daar botsels aan haar loot
ons skeur haar oop met skaar en ploeg
sy antwoord ons met lewensbrood

sy gee veel meer as wat sy vra
terwyl sy ons venyn verdra

‘n troefkaart uit die Skeppershand,
redeloos, maar verhewe
bo wie gedeel is met verstand,
maar na vergelding strewe

sy leer vir ons deur blaar en blom
wat liefde is, al is sy stom

©️Elize Kruger
26 April 2025

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag