Latest Activity:

My huis, my musiek

My huis, my musiek

Vannaand speel my musiek saggies
tussen wondergesiggies
soos engele
vas aan die slaap

julle stemme is my musiek
julle geraas ‘n meesterstuk
die gelag my lofprysing
selfs die gekla stuur my in diep verwondering

elke noot ‘n lewensmelodie
lirieke vanuit die hemel
dit speel voor my af soos ‘n skouspel

hier begaan ons foute
stel ons weer reg
droom ons groot
beur ons deur die goeie en sleg

elke huis het sy kruis
myne het geen vingers wat na ander wys
die mees spontane oomblikke
glimlagte wat vrede bewys

ons aanbiddingsplek
kuierplek
die mure weergalm van elke gesprek

my deur staan altyd oop
selfs al vlieg die voëltjies eendag weg
weet ek ons tyd saam
was die grootste voorreg

julle is my huis
my musiek
soos ‘n simfonie van kleure ontvou
die herinneringe ‘n blyspel
sal ek dit vir altyd koester en onthou

(c) Wendy Leigh




2 Kommentare

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed
  • PJB het n geregistreerde lid geword

  • Ian wrote a new post

  • Amaspoke wrote a new post