Naspel van ‘n vallende ster (Goud)

in ‘n finale vlietende spel
skiet ‘n sterwende ster verby;
deur die melkweg tersyde gestel
veg hy teen die nag se ebgety

tanend onder die mag
van aardse swaartekrag

wyl hy hygend deur die nanag dwaal
voor hy prag en praal ‘n laaste maal
sy liggloed inderhaas aanvuur
om ‘n laaste vonkelgroet die heelal in te stuur

wat briljant in die donker fragmenteer
voor die aarde sy oorskot absorbeer

©Loretta Szikra

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag