Net vlugtig . . .
vroegaand was ‘n foto –
‘n volmaan in die avonduur
‘n lofsang aan die sonsak
‘n gloeiend ode aan die vuur
die nag was wasem
kortstondig, soos ‘n asemteug
die nag was soetwyn en skemerlig
die nag was woorde
– in rym en vloei bedig
soms dans onthou se beelde nog
‘n passie, vol verleiding –
jou hand wat rus
teenaan my skouer
(donkeroggend)
met laaste skeiding
© Carma Shaw
10 April 2017
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
5 Kommentare
-
neels
pragtig Carma ek lewe my in jou gedigte in
-
Viooltjie
Baie dankie, Neels. Ek is bly om dit te hoor :-)
-
-
Elroux
Allerlieflikste gedig Viooltjie
-
Viooltjie
Baie dankie, Elroux :-) :-) :-)
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die April ope afdeling projek