ob(ster)naat – (Silwer)

ob(ster)naat

waar stof en roet wolkekrabbers wellustig tooi

hunker ek na suiderkruis helder mooi

sal ek weer klinkklaar sien hoe sterre skitterblink

self-vrede wydvry pari-pasu wink

kan jy my seer hart deur jou vonkellig verlei

wag jou sterrehemel lokkend op my

waar geraasbesoedelingtempo weergalm

smag ek na maanlandskapstil se kalm

sal ek weer Kalahari-naggeluide hoor

onder melkweg se maagdelike gloor

kan jy my dol denke rasionaliseer

soos ’n planeet sy wentelbaan koersvas eer

waar neonlig kunsmatig dag se lig vervang

begeer ek maanligstrale op my wang

sal ek ekstraterritoriale wese

’n verskietende ster sien na dese

kan hartswense deur gure baksteenmure wring

soos magies’ volmaan penumbra verdring

waar, sal en kán mensgemaakte vermaaklikheid

nadoen … die sterrehemel-aanskoulikheid

© Retha van Deventer, 11 Januarie 2025.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag