Oester fees

Jy vertel my van die maan se lag
wat teen die wimpers van rose slaap
van die stiltes wat fluister wanneer die donker gaap
dat die son weer môre sal skyn met nuwe krag

splinter die lug sag

in die stilte van die nag

 

Wanneer die koue deur krakies van my siel breek
my gedagtes eensaam oor donker heuwels draf
versteen dit in ‘n hond se blaf
wat roerloos staan onder die maan se wit’ bleek

beleef ek jou warm nabyheid diep en intens

moenie weggaan..dis my enigste wens

 

Verlang ek na jou

waar dit vasbrand in die holte van my hart

wat die lewe tart

in hierdie gevoel sonder jou

 

tussen gister en nou

ek is hier…ek wag vir jou

 

 

Met my sagste sag
wil ek jou koester

in my hart toevou soos ‘n oester
in hierdie fees van middernag

 

langs die grou groen see

wil ek my hart vir jou gee