Sy is ʼn teefhond en sy byt!
Karma bekruip jou
soos ʼn skurk in die nag
stil-stil van agter af…
die slang
wat haar tande
die hakskeen inslaan –
vasbyt tot die gewete
se gif jou verslaan!
Kom soek sy jou op
en klop aan jou deur –
is omdraai te laat
en spyt geen verweer.
Wat die oog nie sien nie
maak die hart nie seer nie –
sou sy jou te lyf gaan,
is aan haar byt geen keer nie!
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Koekekranka
Sjoe, dit klink gevaarlik en giftig. Wie is die gifdier en waarom die gif? Eina...!!!