Omdat Hy leef….
U grootheid staan volstrek
vir almal om waar te neem
om dit wat vredeliewend is
ons eie te maak
want dit is die Here se seën
vir ons almal
hoe lief is Hy vir jou en my
om nie Sy wil
op ons af te dwing nie
die keuse tussen goed en kwaad
die Een stem
wat met ons praat in gees
Saam wie wil jy veraltyd wees?
Mag jy ñ Goddelike ontmoeting beleef
met die Enigste een wat
alles in mekaar weef
mag jou leemtes gevul word
deur Sy sagmoedigheid
en die nietigheid van wat was
Hy heeltemal skoonwas
Mag die teleurstellings van mense
vir jou geen betekenis meer gee
en wanneer jy terug kyk
na die onreg en seer
mag jy glimlag en weet
jou Verlosser leef.
© 2018 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.