PAPPA IN MY DROOM

Jou knobbel hande,
vou veilig om myne,
jou arm by my ingehak,
loop ons, onverpoos,
deur die skare,
en jy bid asof jy nog nooit bang was.

Dit was jou bid,
jou opkyk na bo,
wat maak dat ek vandag
nog probeer glo.

Wanneer jy met jou God praat,
het jy dit gedoen asof jy mag,
sonder skuld of skaamte,
sonder smeek,
het jy gebid, met nederige glo,
dat jy mag staan in die teenwoordigheid.

Wanneer jy in my droom inloop,
wil ek alles verkoop,
niks agter laat,
net aanstap saam met jou,
tot waar my hartsteer ophou.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag