Poplap se skoene pas

Poplap se skoene pas

Pa – dis jou “effentjies” se troudag vandag…
en sy verruil haar bokstert, lappop kind wees
vir vrou wees, eendag ma wees
en grootmens skoene –
met al sy lewens seisoene
wat haar soms sal druk dat sy huil,
dan moet sy weet by wie sy kan skuil.

Ma – haar eendag is hier…
en met blomme versier,
haar droom is wakker
en sluimer nie meer
in ‘n wasige akker
met ‘n kinder voet
wat te hard probeer.

Ma – sy’s vrou, wat nou
wat met haar liefste trou –

Maar tog…

Wees altyd daar met jou jas
teen die onbekende kou
en laat jul lag…
soos altyd
en tiekie draai
tot die hane kraai.