SOMERSET WES – INNI KAAP

SOMERSET WES

Hier in die Kaap woon ‘n pragtige vrou
en ‘n knorrige ou man
die Sedoos-wind blaas stormsterk sand
deur ons tande en hare wat souterig brand
sandduin plante voed, laat leef, laat blom
– in die Helderberg kom
die Noordwes warrel blare en stof van Rooi-Els se
kant tot by bikini-beach en Klippiesbaai
se kaalloop strand

by die Mall is dit ‘n gedonder van stemme
brullende voertuie en skreeuende remme
maar “lekka bly ons lekka, my bru – vra maar my ma
Hie in die Somerset Wes in – greetings my Bra”
begroet vrolike Kaapse “slang” kultuur-taal
iedereen wat graag ‘n stukkie van Somerset Wes
se lekker bly wil kom haal

omring deur berge, wynplase en
uitsig op die akwamaryn blou see
met oneindige helder nagtelike heelal
is dit die plek waar ek wil bly – wil aftree
sonder kommer sonder gejaag
net ek en knorpot
salig in die Kaap

“In die Somerset Wes in”

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag