soos gras (BRONS)
soos gras
vanoggend is ek stil
verslae vol heimwee
my dikke poppie-hond
lê hier neffens my voete
my beker vol boeretroos
stomend in my hand
my orgideë kyk vir my
waar ek stil sit en kyk oor
groen gras en geel veldgrasse
die trane maak spoortjies
oor my wange
ek sit en dink
in die Woord sê ons Vader
die mens se tyd op aarde
is soos gras
dit verdor en blomme
val af
my gedagtes vlieg heen en weer
dit is nou maar eenmaal so
soms … ja soms
kruis iemand jou pad wat
jou leer om jou kop te draai
na die son
en oopbek blinktand te lag
want die lewe is goed …
©Marlene Erasmus
26/08/2020
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Augustus 2020 – OOP projek