Welkom, Besoeker
Welkom, Besoeker

Titel: Stof van die Heimat

Deur Marieta McGrath
Datum gepubliseer: 11 November 2018 Aantal woorde: 120 733 Kere gelees 11

Keetmanshoop, oorstaanplek
verbasend hoe ‘n tussenstasie
se stof so aan jou hart kan trek

Met my aankoms lê die hitte dik en stil
Later, lus vir bier en Schnitzel
stap ek stofstraat na die Schützenhaus hotel.
Dis ‘n kleine museum van Duitswes-wees
foto’ s van ‘n Sportverein
uit die vroeë neëntienhonderds
laat my wonder:
Moes hul baie ver reis
oor die kaar bevolkte vlaktes
vir ‘n klein bietjie geselskap
en die stowwerige wedstryd?
Was dit so omkyk, omkyk
na die noorderlike vaderland
of was hul reeds pen gewortel
in híérdie Heimat se dorre grond?

Soos ek, in hierdie land gebore
my hart ‘n afgebakende kolonie
môre reis ek verder
met Keetmans se stof tussen my tone




TEMAS
1 Kommentaar
  1. Anze

    19 November 2018

    Pragtig, baie dankie vir jou bydrae tot die November 2018 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 25
Kommentaar telling: 3

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 252 gaste aanlyn

Bydraes – Argief