Van uurglas tot wynvat
(goud)
kitkat en chips en hanepootdruiwe
eens had ek en my vriende
sulke uurglasie se lywe
maar wat sou dit baat
om dit te ontken
– tyd se verloop
het die groot stryd gewen
na dekades van eet
en met ’n leeftyd belas
kan byna almal van ons
in leë wynvate pas
want nou het ek en my vriende
sulke mooi ronde lywe –
(van al die)
kitkat en chips en hanepootdruiwe
© Carma Shaw
28 Feb 2019
9:25
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
3 Kommentare
-
Kiekies
Agge jinnekie tog, dis ongelukkig alles waar! Dat ons nou in wynvate kan pas, giegiegie.
-
Hastur
Dit is baie oulik, hou daarvan!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Februarie 2019 projek - TYD