Vir ‘n kort rukkie
vir n kort rukkie
het ek jou ook lief gehad
het vlinders ook in my maag
rond geswerf wanneer jy
in my oë kon kyk
en jouself daarin kon lees
net vir n kort rukkie
was jy my hele bestaan
was naggeluide die musiek
in my ore wanneer ek
jou stem saggies hoor
en jou glimlag my deurweek
net vir n kort rukkie
het ek jou arms om my gevoel
wanneer jy teen my oor
fluister en sê: vergeet my nie
voel ek jou warm asem
teen my wang
net vir n kort rukkie
was jy deel van my hele bestaan
jou loop, jou kyk, jou praat
het ek ingedrink soos min
want dit is wat ek wou
en jy my vra om te trou
die kortste rukkie se lief wees
vir jou het my lewe beset
was my langste verlange
en hunkering en steeds
maal jou woorde oor en oor
vergeet my nie!!!
@Louisa van Vliet
Amazon
Ek is n kind van God en is Jesus Christus my alles. Ek baie ingesteld op die waarheid en is heeltemal gekant teen leuens. Opregtheid en Eerlikheid is n passie by my. So wat ek in my gedigte en stories bring, is op die waarheid gebaseer. Alles wat my in die lewe geraak het, bring ek in my gedigte uit. Ek is n Afrikaner en murg en been. Wat jy sien, is wat jy kry. Spontaniteit en vriendelikheid is my lewe. As jy op my tone trap, gaan jy my beslis van hoor. Ek se n ding reguit en draai geen doekies om nie. My gehoorsaamheid word aan God die Eer gegee, want Hy is in beheer van my Lewe.
Maak 'n opvolg-bydrae
Jy moet aangemeld wees om 'n kommentaar te plaas.