Wanneer die Koraalboom blom

hier waar ek in koel lentelug luier
dwaal my oë oor spatsels groen wat guitig loot
verstar my blik opeens teen skeloranje
wat aan blaarlose takke bot

soos opgepofte verevingers
sprei dit uitlokkend oop
penorent soos kokketielkuifies
wat my oë dankbaar boontoe stoot

en al huiwer winter nog in sug
dring helder die boodskap deur
‘n nuwe seisoen is aan die kom
wanneer die koraalboom blom

©Driekie Grobler

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag