Waarheid in die woord
Hoeveel deernis lê in ñ woord
wat spreek van genade?
Hoeveel gal lê verberg
in woorde wat terg?
Die swaard van die tong
sny dieper as die daad
dit is die vrug van die saad
wat leweloos jou leegtap
die tong spreek lewe
waar dood begrawe lê
wat jy aan ander sê
kry ñ lewe in ñ ander dimensie
die manifestasie van ñ lewe
wat begrawe moes bly
sodat ander nie moet ly
in die dwaasheid
van jou uitings nie
woorde in as
of woorde ingegraveer
lê diep verborge in jou eie seer
wat die hart van vol is
loop die mond van oor
laat jou woorde lewe in seën
spreek lewe
die dood verdien nie om te leef
oor jou lippe
gee lewe aan dit wat kies om te leef
en streef om vir ander
in daad en woord
ñ boodskapper te wees
van die waarheid.
© 2018 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.