WINTER

WINTER IN MY HART

My hartseer bars oop soos ‘n ryp granaat
vloei die verlange druppend op die grond
die alleenwees rasper aan my brose siel
my Vader, hoe moet ek nou voor U kom kniel

die helfte van my is weggeruk
hoe smaak ek hierná weer geluk
wonde wat nie wil ophou bloei
sidderend die winterwind wat om my loei
my sielsgenoot, my hart se diepste klop
is weggeskeur, is nie meer, is net op

My God my God hoe maak ek nou
hoe kan ek weer vrede in my siel toevou
leef ek blindelings sonder sin of wil
sy plek langs my is koud en stil

Mariette Stoker

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag