liewe Reën

ek wil vir jou ‘n benatte brief skryf
en dit in my dorre grondhart vir jou stuur
deur per reëndruppel
deur per grys wolk

mag jy nooit weggaan nie
mag jy elke dag
jou genade sluise oopmaak
en nie vir altyd
jou wolkekrane toe hou nie

jy is altyd welkom
my bedroefde Suid-Afrikaanse deur
is dag en nag
wawyd oop vir jou

want hier is ‘n plekkie vir jou
waar jy kan dans, Reën
kom les my dors grondkeel
kom huppel in my vaal plantekamers
kom speel onder my moeë bome
kom vertroetel my eensame bossies
met jou koel seënwater

liewe Reën
al wat my trane kan sê:
dankie

Kopiereg: Roeline van Schalkwyk

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag