1900

van heinde en verre
klink sweepslae op
verkenners hou dop
saans onder sterre

bittereinders vasbyt
naelbyt bloed-oorlog
geen kos by ‘n trog
geen vreugde-jolyt

tuis is daar nie meer
verskroeide opstalle
donker bloed walle
honger mae negeer

net veg en voortgaan
bloed skenk vir volk
sny skerp soos dolk
tyd vir voortbestaan

duisend nege-honderd
splinters bly daar oor
elkeen wil meer hoor
skreeu erg bedonderd

tyd is daar nie meer
sal hulle dit waardeer
maak hul nou hartseer
stry kan hul nie regeer

wie is ons leier sing koor
sou siener verkeerd wees
of het ons hom al verloor
is hy dalk nie van vlees

sal splinters saam kan voeg
watter lym sterk genoeg wees
om byeen te bring siel en vlees
aardse magte is heel onbevoeg

©Teárlach

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag